Við endurtókum leikinn frá í fyrra og skelltum okkur í myndatöku til Carolin Giese sem er með Katla fotografie. Hún var í heimsókn á landinu í fyrra þegar við fórum til hennar en svo flutti hún til Íslands nú í haust þannig að við ákváðum að skella okkur aftur til hennar en nú með Heklu og Sofie þannig að nú eigum við myndir eftir hana af öllum skvísunum.

Það er alltaf jafn gaman að vinna með henni og munum við án efa taka dag með henni í sumar og taka fleiri myndir af skvísunum okkar og gefa fleiri kost á að koma með okkur. Útkoman var eins og í fyrra frábærar myndir og gaman að því að Hekla var í bumbunni á mömmu sinni þegar við tókum myndirnar í fyrra en fékk núna sjálf að vera á mynd enda orðin árs gömul.

Enn og aftur takk elsku Carolin fyrir frábærar myndir og hlökkum til næstu myndatöku með þér :)

Í dag er fyrsti afmælisdagur Draumabarnanna en þau fæddust að kvöldi 20. apríl í 2019. Um hálf tíu kom fyrsti hvolpurinn í heiminn. Það var hún Mía sem var fyrst í heiminn og svo fæddust þau hvert af öðru á u.þ.b. korters fresti þar til síðasti hvolpurinn fæddist einum og hálfum tíma seinna. Þá voru þau orðin 7, 5 tíkur og 2 rakkar. Þrátt fyrir að þetta væri hennar fyrsta got sá Melody alfarið um þetta sjálf og var eins og hún hefði aldrei gert annað.

Draumabörnin fengu að sjálfsögðu öll sín draumaheimili þar sem þau eru elskuð og dekruð út í eitt. Elsku Mía, Esja, Gosi, Kvika, Stormur og Kolka innilega til hamingju með afmælið og eigið góðan dag með ykkar besta fólki í dag eins og alla aðra daga. Mamma ykkar, Hekla og við hin sendum ykkur risaknús í tilefni dagsins, við elskum ykkur öll <3