Víkur Icelandic All My Loving "Loke" stóð sig heldur betur vel núna um helgina þegar hann tók þátt í tvöfaldri sýningu í Karmöj, Noregi, með eiganda sínum, Elínu Haugstad. Þegar hann varð besti hundur tegundar báða dagana.

Hann hlaut jafnframt tvö norsk meistarastig og þarf eitt enn eftir 2ja ára aldur til að verða norskur meistari en hann er eingöngu 14 mánaða. Hann er undan Izzy okkar, CIB ISCH NLM Víkur American Beauty og CIB IRCH HUNCH Allmark Muffin Muncher "Tinker". 

Við erum einstaklega stolt af þessum árangri Loke um helgina og óskum við honum og Elínu innilega til hamingju.

Eins og við höfum sagt frá áður fluttust Marley og Thedóra til Þýskalands í apríl s.l. Þau hafa það einstaklega gott þar og leggst lífið þar í landi vel í prinsinn.

Um síðustu helgi brugðu þau undir sig betri fætinum og skruppu í stutt stopp til Colmar og Riquewihr í Frakklandi og var það í fyrsta sinn sem Marley fer til Frakklands en eflaust ekki það síðasta.

Hann stóð sig ljómandi vel og var landi, þjóð og ræktuninni okkar til sóma. Hann fylgdist prúður með mannlífinu og dýrunum á ferðalaginu. Lífið erlendis virðist eiga mjög vel við hann og elskar hann að geta tekið þátt í öllu daglegu lífi á heimilinu eins og að skreppa í bankann, apótekið eða jafnvel búðina án þess að þurfa að vera bundinn við staur fyrir utan, bíða í bílnum eða jafnvel vera skilinn eftir heima á meðan aðrir erindast í bænum.