Draumagotið 20.04.2019

Picture
Um páskana fæddust 7 heilbrigðir hvolpar hér í Mosfellsdalnum undan Melody og Ben, 5 tíkur og 2 rakkar. Fæðingin gekk einstaklega vel en fyrsta gullið kom í heiminn klukkan hálf tíu á laugardagskvöldi og einum og hálfum klukkutíma seinna voru þau orðin sjö. Móðir og börnum heilsast mjög vel og stendur Melody sig einstaklega vel í móðurhlutverkinu.

Foreldrarnir eru þau ISCH Melody Time de la Vallée d'Eska "Melody", franska prinsessan okkar, sem kom til Íslands í september 2016 og CIB ISCH RW-15 RW-18 Bayshore Stonehaven Iceland Here I Come "Ben" sem kom til landsins 2014 frá Bandaríkjunum en er búsettur á Egilsstöðum. Nánari upplýsingar um Melody og Ben má finna hér.
​
​Hvolparnir afhendast allir með ættbók frá HRFÍ, örmerktir, bólusettir 8 vikna, ormahreinsaðir, MDR1 testaðir, tryggð fyrsta árið ásamt skemmtilegum hvolpaglaðningi frá Petmark :)

Allar nánari upplýsingar um gotið er hægt að fá í gegnum netfangið info@vikurkennel.com eða í síma 894 6611.
​

Víkur I Have A Dream "Mía" - IS26389/19

Fyrst í heiminn var blá prinsessa með heilt skott.

Hún hefur fengið nafnið Mía hjá nýjum eigendum og mun hennar framtíðarheimili vera í Reykjavík.

Víkur It All Starts With A Dream "Esja" - IS26390/19

Næst kom í heiminn svört prinsessa með heilt skott.

Hennar heimili er í Mosfellsbæ og hefur hún fengið nafnið Esja hjá nýjum eigendum.

Víkur Never Stop Dreamin' "Gosi" - IS26391/19

Þá var röðin komin að fyrsta stráknum en þriðji hvolpurinn sem fæddist var blár rakki með heilt skott.

​Hann hefur fengið nafnið Gosi hjá nýjum eigendum en hans heimili er á Sauðárkróki.

Víkur Dreams Do Come True "Hekla" - IS26392/19

Fjórði hvolpurinn í röðinni var þriðja prinsessan. Blá með stutt skott.

Hún hefur hlotið nafnið Hekla og ætlar að búa hér heima hjá okkur að svo stöddu.

Víkur Dreaming Is Believing "Kvika" - IS26393/19

Og enn bættust við prinsessur en sú fjórða er rauð með stutt skott.

​Hún hefur hlotið nafnið Kvika og ætlar að búa hér heima hjá okkur að svo stöddu.

Víkur Dream Catcher "Stormur" - IS26394/19

Sjötti hvolpurinn varð jafnframt annar rakkinn, svartur prins með heilt skott.

Hann hefur hlotið nafnið Stormur og er heimili hans í Breiðholtinu.

Víkur Follow Your Dreams "Kolka" - IS26395/19

Sjöundi og síðasti hvolpurinn í heiminn var fimmta tíkin, rauð prinsessa með heilt skott.

Hún hefur fengið nafnið Kolka hjá nýjum eigendum en hennar heimili er í Svarfaðardal.