Stjörnugotið

"Thornapple Seduction" Reese og "Heimsenda Ösku Íllur" Þengill - Got 02.02.2012

Þann 2. febrúar 2012 kom í heiminn got undan "ISCh Thornapple Seduction" Reese og "Heimsenda Ösku Íllur" Þengli. Allt gekk eins og í sögu og komu 8 hvolpar í heiminn, 4 tíkur og 4 rakkar. Meðalþyngdin í gotinu var 318 grömm þannig að þau eru öll stór og stæðileg.

Hvolparnir voru allir skírðir í höfuði á frægum persónum, bæði úr nútíð og þátíð.

Hvolpur 1 - Víkur Kristófer Kólumbus "Kobbi" - IS17092/12

Fyrstur í heiminn kom gullfallegur Black Tri rakki. Hann vóg 339 grömm við fæðingu og braggast hann mjög vel og tveggja vikna gamall er hann orðinn 756 grömm.

Hann var fyrstur í heiminn og hefur hlotið nafnið Kristófer Kólumbus. Hann er hálfgerður landkönnuður því hann var fyrstur af systkinunum til að ná að klifra upp úr kassanum og skoða heiminn þar fyrir utan. Hann býr á Norðurlandi með eiganda sínum.

Hvolpur 2 - Víkur Johnny Cash "Johnny" - IS17093/12

Eigandi: Sigríður Pjetursdóttir

Annar hvolpurinn var Blue Merle rakki sem vóg 332 grömm við fæðingu en tveggja vikna gamall er hann orðinn 702 grömm.

Johnny býr við Stokkseyri ásamt fjölskyldu sinni.

Hvolpur 3 - Víkur Freddy Mercury "Fróði" - IS17094/12

Þriðji hvolpurinn var líka Blue Merle rakki m/Bob og vóh hann 348 grömm við fæðingu, hann er búinn að vera duglegur að borða eins og bræður sínir og tveggja vikna gamall er hann orðinn 724 grömm.

Fróði er því miður fallinn frá en hann bjó við Borgarnes ásamt eiganda sínum.

Hvolpur 4 - Víkur Catherine Zeta Jones "Zeta" - IS17095/12

Eigandi: Guðrún María Björnsdóttir

Þá kom loksins Black Tri tík og vóg hún 264 grömm við fæðingu hún hefur dafnað vel og verið mjög dugleg að drekka og tveggja vikna gömul er hún orðin 746 grömm.

Fyrsta skvísan sem fæddist er fíngerð fegurðardrottning og því kom ekki annað til greina en að finna þekkta konu sem hefði sama eiginleika.

Zeta er því miður fallin frá en hún bjó í Borgarfirðinum ásamt fjölskyldunni sinni.

Hvolpur 5 - Saarland Sieger 2017 C.I.B ISCh Víkur Bob Marley "Marley" - IS17096/12

Eigandi: Víkurræktunin

Fimmti hvolpurinn og fjórði rakkinn var Black Tri m/Bob. Hann vóg 270 grömm við fæðingu en er orðinn 678 grömm tveggja vikna gamall.

Gælunafnið Bob Marley fór strax á hann við fæðingu og ákváðum við svo að festa það við hann. En nafnið kemur út frá því skottinu.

Marley er því miður fallinn frá en við áttum hann með góðri vinkonu okkar og bjó hann hjá henni.

Hvolpur 6 - Víkur Salma Hayek "Salma" - IS17097/12

Eigandi: Víkurræktunin

Sjötti hvolpurinn var Black Tri tík sem vóg 324 grömm við fæðingu en tveggja vikna gömul er hún orðin 610 grömm. Hún er dugleg að drekka en virðist ætla að vera fíngerð.

Hér er komin önnur fíngerð fegurðardrottning sem þurfti að fá sama nafn og leikkona eða söngkona með sama eiginleika.

Hún býr í Norðlingaholtinu með fjölskyldunni sinni.

Hvolpur 7 - Víkur Adele "Angara" - IS17098/12

Eigandi: Mahesh Aron Kale / Sara Kahlifa Kale

Sjöundi hvolpurinn var önnur Black Tri tík en hún fæddist með hálft skott og vóg hún 330 grömm við fæðingu en tveggja vikna gömul er hún orðin 746 grömm.

Hún býr á Austurlandi ásamt fjölskyldunni sinni.

Hvolpur 8 - Víkur Jennifer Hudson "Æsa" - IS17099/12

Eigandi: Guðbjörg Jensdóttir

Áttundi og síðasti hvolpurinn er prinsessan í hópnum. En hún er Blue Merle og vóg 335 grömm við fæðingu hún er búin að vera mjög dugleg að nærast og við tveggja vikna aldur er hún orðin 820 grömm.

Hún hefur verið dugleg að drekka frá upphafi, liggur yfirleitt lengst á og þyngist mest. Við ákváðum að gefa henni nafnið Jennifer Hudson þar sem treystum á að hún eigi eftir að taka söngkonuna sér til fyrirmyndar og verði komin í rétt mál á réttum tíma.

Æsa er því miður fallin frá en hún bjó í Mosfellsbæ ásamt fjölskyldunni sinni.