Izzy stigahæsti öldungur deildar 2022

C.I.B. ISVetCh ISCh NLM RW-18-21 ISVW-22 Víkur American Beauty  "Izzy" var í gær heiðruð sem stigahæsti öldungur Fjár- og hjarðhundadeildar 2022.

Hún átti góðu gengi að fagna á sýningum ársins. Hún tók þátt í öllum sex sýningum ársins, varð besti öldungur tegundar á þeim öllum ásamt því að hafa hafnað í sæti í keppni um besta öldung sýningar á þremur sýningum. 

Þessi einstaki og sýningarglaði gullmoli hljóp sinn síðasta sýningarhring á Winter Wonderland sýningu HRFÍ í lok nóvember og er ekki hægt að segja annað en að hún hafi endað  tæplega 10 ára sýningarferil sinn með glæsibrag. En hún hafnaði í 2 sæti af 25 í keppni um bestu tík tegundar, varð BESTI ÖLDUNGUR tegundar og náði sér í nýja nafnbót Island Veteran Winner 2022. Hún var jafnframt heiðruð í lok sýningar sem 4 stigahæsti öldungur HRFÍ 2022.

---

Með þessum glæsilega árangri sínum á árinu fetar hún í fótspor foreldra sinna en þau urðu bæði stigahæstu öldungar ársins á meðan þau voru í hringnum. Við erum ákaflega stolt af þessari drottningu okkar og árangri hennar á árinu sem og undanfarin ár.
​Þessum glæsilega árangri væri að sjálfsögðu ekki náð án aðstoðar snillinganna okkar þeirra Gauju og Theodóru sem eiga heiðurinn að því að sýna hana í gegnum árin ásamt því að Theodóra hefur snyrt hana á móti mér. Takk elsku þið!

---