Fyrstu súkkulaðibörnin fóru að heiman á fimmtudaginn þegar þau urðu 9 vikna gömul og eru alltaf blendnar tilfinngar sem þjóta um hugann á þeim tímapunkti. Þessi brottfarardagsetning var samt vel við hæfi því þann dag var akkúrat liðið ár frá því pabbi þeirra kom út úr einangrun og hingað heim.

Það voru þau Víkur Chocolate Creme Brulée "Yrja" og Víkur Chocolate Velvet "Varmi" sem fóru fyrst af bæ. Í dag fór svo Víkur Dark Chocolate "Perla" til nýrra eigenda.

Við erum þakklát fyrir 9 dásamlegar vikur með þessum gullmolum, þakklát fyrir þau frábæru heimili sem opnuðu arma sína fyrir þeim og síðast en ekki síst þakklát Marko Ljutic fyrir að treysta okkur fyrir þessum einstaka gullmola sem pabbi þeirra er. Við óskum nýjum eigendum innilega til hamingju með gullmolana sína og bjóðum þau jafnframt velkomin í Víkurfjölskylduna. 

Súkkulaðibörnin urðu 7 vikna í gær og fengu þau að sjálfsögðu myndatöku af því tilefni í dag.

Síðustu dagar hafa verið viðburðaríkir hjá þríeykinu. Þau eru búin að fara nokkra rúnta, skelltu sér í bað, hittu fullt af nýju fólki sem þau heilluðu upp úr skónum, eru búin að eyða ófáum klukkustundum á dag úti að leika sér og skoða umhverfið og síðast en ekki síst eru þau mjög upptekin við að stækka og þroskast.

Næstu vikuna ætla þau að halda áfram að hitta nýtt fólk, fara í vettvangsferðir hér í nærumhverfinu, fara í skapgerðarmat og stækka aðeins meira ásamt því að fara í 8 vikna skoðun.

Súkkulaðibörnin urðu 6 vikna í gær og fengu myndatöku í tilefni af því. Tíminn hefur liðið hratt með þessa litlu gleðigjafa á heimilinu og erum við ekki alveg að átta okkur á því að þau séu orðin 6 vikna.

​Þau elska að vera úti að leika sér og kanna nýja hluti. Þau eru byrjuð að fara á rúntinn og standa sig eins og hetjur í hringtorga og hraðahindranaferðum. Þau ætla að skella sér í skapgerðarmat til Jóhönnu hjá Allirhundar þegar þau eru orðin 7 vikna eins og systkini þeirra gerðu.

Næstu vikur þar til þau fara að heiman verða eflaust alltof fljótar að líða en þær munu verða viðburðarríkar fyrir þríeykið.

Í gær fór fram hvolpasýning á vegum HRFÍ og tóku Gimsteinarnir þátt í henni. Tegundadómari var Lilja Dóra Halldórsdóttir og besta ungviði sýningar dæmdi Sóley Möller.

Systkinin stóðu sig öll frábærlega og varð Viggó (Víkur Red Opal) besta ungviði tegundar og gerði sér lítið fyrir og varð 4 besta ungviði sýningar. Frábær árangur þar.

• BOB Baby og BIS4 Baby - Víkur Red Opal "Viggó"
• BOS Baby - Víkur Black Pearl "Sunna"
• 2 besta tík í ungviðaflokki - Víkur Red Ruby "Karma"
• 4 besti rakki í ungviðaflokki - Víkur Fire Agate "Manni"

Við óskum eigendum þeirra og sýnendum innilega til hamingju með þessa glæsilegu fulltrúa tegundar og okkar ræktunar.

Undir kaffi á fimmtudag fæddust 4 gullmolar hér hjá okkur, 3 tíkur og 1 rakki. Því miður var ein tíkin andvana fædd og ekkert hægt að gera fyrir hana. Hin þrjú eru öll mjög spræk og taka lífinu fagnandi.

Ferlið sjálft gekk allt hratt fyrir sig og mjög vel þrátt fyrir allt en það leið tæp klukkustund frá því fyrsta tíkin kom í heiminn þar til rakkinn var kominn. Móður og börnum heilsast öllum vel og eru öll komin með ræktunarnöfnin sín kennd við súkkulaði.

• Víkur Dark Chocolate - rauð þrílit tík
• Víkur Chocolate Creme Brûlée  - rauðyrjótt tík
• Víkur Chocolate Velvet - rauður þrílitur rakki

-----
Yesterday Kvika gave birth to her and Fayro's puppies. They were 4, 3 females and 1 male. Sadly one of the girls was still born and there was nothing possible to do for her. The other 3 are all doing well.

Kvika did great job in giving birth to them. It was almost an hour between the first girl and the boy. The girls are red tri and red merle and the boy is red tri. Mother and puppies are all doing well and the puppies have gotten their names.

• Víkur Dark Chocolate - red tri female
• Víkur Chocolate Creme Brûlée - red merle female
• Víkur Chocolate Velvet - red tri male

Við fórum með þau systkinin Heklu (Víkur Dreams Do Come True)  og Storm (Víkur Dream Catcher) í mjaðma- og olnbogamyndatöku í maí og eru niðurstöðurnar úr þeim myndatökum nýkomnar í hús.

Það er gaman að segja frá því að þau hlutu bæði mjög góðar niðurstöður. Hekla er með A2 mjaðmir og hreina olnboga og Stormur er með A1 mjaðmir og hreina olnboga. Á svipuðum tíma fór eigandi Míu (Víkur I Have A Dream) systur þeirra með hana í myndatöku og var hún A2 í mjöðmum eins og Hekla og með hreina olnboga eins og systkini sín.

-----
We took Hekla (Víkur Dreams Do Come True) and Stormur (Víkur Dream Catcher) to the vet in May and he did x-ray of their hips and elbows and we just received the results from OFA and we are really happy with them.

Hekla got HD A2 (Good) and ED is normal and Stormur got HD A1 (Excellent) and also normal ED. The owner of their litter sister Mía (Víkur I Have A Dream) took her at a similar time and she got the same results as Hekla, HD A2 and ED normal.

​Það er með miklu stolti sem við kynnum væntanlegt got hjá okkur núna í sumar. En þau Fayro (CH Bayouland's Hot N Mangry) og Kvika (Víkur Dreaming Is Believing) eiga von á hvolpum í júní. 

Kvika er fædd okkur úr Draumagotinu sem er undan Melody (ISCh Melody Time De La Vallée d'Eska) okkar og Ben CIB ISCH RW-15 RW-18 Bayshore Stonehaven Iceland Here I Come) en Fayro er bandarískur að uppruna og býr hjá Marko Ljutic vini okkar í Króatíu sem er með Mangry's ræktunina og er hann hér í tímabundinni heimsókn. Þetta verður fyrsta got Kviku sem er 2ja ára en Fayro á mörg glæsileg afkvæmi út í heimi en þetta verður annað got hans hér á Íslandi. Það er svo sannarlega verðmætt fyrir stofninn hér á landi að geta fengið svona glæsilegan rakka að láni hingað til lands. 

Þau eru bæði einstakir gullmolar og er gott klór og knús í miklu uppáhaldi hjá þeim báðum. Litaafbrigði gotisins munu verða rautt og rauðyrjótt. Þar sem Kvika er fædd með hálft skott og Fayro er fæddur skottlaus þá geta komið allar lengdir af skotti undan þeim. Þau uppfylla bæði allar heilbrigðiskröfur tegundar en eru auk þess DNA testuð fyrir öllum helstu sjúkdómum sem hægt er að prófa fyrir innan tegundar.

Við getum ekki sagt annað en að við séum ákaflega spennt fyrir þessu goti þar sem fyrra got hans hér hjá okkur, Gimsteinagotið, bræddi hug okkar og hjörtu. Takk elsku Marko fyrir að lána okkur þennan einstaka gullmola sem bræddi hjörtu okkar strax við fyrstu kynni á Crufts fyrir nokkrum árum og svo sannarlega verðmætt að geta fengið hann lánaðan núna.

Allar nánari upplýsingar um gotið er að finna hér eða í gegnum tölvupóstfangið info@vikurkennel.com.

Í dag eru 5 ár síðan við Izzy vorum á fæðingarvaktinni og Bítlabörnin komu í heiminn. Þau fæddust öll við góða heilsu og voru 7, 4 rakkar og 3 tíkur.

Þau voru öll alveg einstaklega heppin með heimili og búa á frábærum heimilum þar sem þau sinna hinum ýmsu verkefnum, eru elskuð út í eitt og fá eflaust eitthvað gott að borða í dag í tilefni dagsins.

Elsku Atlas, Aska, Blue, Polar og Loke innilega til hamingju með afmælið ykkar og eigið góðan dag með ykkar besta fólki í dag sem og alla aðra daga. Mamma ykkar og við hin sendum ykkur öllum risaknús í tilefni dagsins og kveikjum á kerti fyrir Öskju og Mola sem hlaupa um í draumalandinu með ömmu, afa og öllum frændsystkinum ykkar. Við elskum ykkur öll <3  

Today we have 5 years since Izzy gave birth to the Beatles litter. They were all 7 born healthy, 4 males and 3 females.

They all live in great homes where they often have different assignments, are loved deeply by their family and will for sure get some special treats to eat today.

Dear Atlas, Aska, Blue, Polar and Loke happy birthday to all of you and have a great day with your favorite persons today like all days. Mom and all of us send you big hugs and a lot of kisses and we will light a candle for Askja and Molie, the angels in the skies, who will for sure enjoy the day running around with grandma, grandpa and your cousins. We love you all <3 

Það voru blendnar tilfinningar á heimilinu þegar Gimsteinarnir yfirgáfu hreiðrið hvert af öðru. En þakklæti er samt alltaf efst í huga þegar þau fara á ný heimili. Þakklæti fyrir 9 dásamlegar vikur með þessum eðal hvolpum, þakklæti fyrir þau frábæru heimili sem opnuðu arma sína fyrir þeim og síðast en ekki síst þakklæti til vinar okkar Marko Ljutic sem gerði þetta got mögulegt með því að treysta okkur fyrir gullmolanum sínum. 

Okkur hlakkar til að fylgjast með þeim af hliðarlínunni í framtíðinni, Karma mun búa hér heima hjá okkur og hin munum við án efa fá að hitta reglulega. Elsku Lúna, Viggó, Manni, Sunna og Katla njótið lífsins með nýju fjölskyldunum ykkar. Við vitum að þið munið vera okkur til sóma og verðið jafnframt glæsilegir fulltrúar okkar ræktunar í framtíðinni <3 

Síðasta sunnudag brugðu Gimsteinarnir sér af bæ og við fórum heim til Theodóru og hittum þar Carolin Giese ljósmyndara sem tók myndir af þeim út í garði hjá henni. 

Getum ekki sagt annað en að við séum ákaflega ánægð með myndirnar eins og alltaf þegar hún á í hlut. Enn og aftur takk Lina fyrir myndirnar og strax farin að hlakka til næstu myndatöku :)