Summer (Brightest Star Give Me your Paw) er lítil prinsessa sem ætlar að koma heim til okkar í september. Hún kemur frá Tékklandi og ræktendum sem rækta undir nafninu Give Me Your Paw. 

Foreldrar hennar eru þau JWW'24 C.I.B SUPREMEBIS BIS JBISS CH JCH Damocle "Damocle" og rEW'25 C.I.B. C.I.B.-J. MultiJCh. MultiCh. MultiGCh. ClubCh. JBIS pBIS pCh. bCh. Two Stars In Galaxy Fallcat "Stella".

Á bakvið Stellu mömmu hennar má finna tvo gullmola sem eru okkur mjög kærir og við höldum upp á í okkar ræktun en það eru þeir Cruzan pabbi Chase og Rowan pabbi Fayro. 

Summer er opin og skemmtileg en jafnframt algjör prakkari og getum við ekki beðið eftir því að fá hana heim til okkar í september. Nánari upplýsingar um Summer má finna hér.

Myrkvi (IsHruna Augustus) er nýr fjölskyldumeðlimur.  Hann er fæddur hjá IsHruna ræktun og undan þeim Sunnu (ISJCH NORDICJCH ISJW24 IsHruna Tequila Sunrise) og Navy (BISJ PLJCH BELJCH Alcazar Dream (FCI) Navy Blue At Heimsenda).  

Við erum mjög spennt fyrir þessu bráðefnilega sjarmatrölli sem bræðir alla sem hann hittir. Við erum ákaflega þakklát Guðríði sem er með IsHruna ræktun fyrir að treysta okkur fyrir þessum gullmola. 
​
Hann er í okkar eigu en býr með Klaka, Brynju og Hinna þar sem hann er elskaður og dáður og Klaki mjög ánægður með litla bróður sinn. Nánari upplýsingar um hann má finna hér.

Í dag fagna Karma og systkini hennar úr Gimsteinagotinu 5 ára afmælinu sínu.
​
Þau systkinin eru sex, fjórar tíkur og tveir rakkar. Karma býr hjá okkur en hin systkini hennar búa öll hjá dásamlegum fjölskyldum þar sem þau eru elskuð til tunglsins og til baka.

Elsku Lúna, Viggó, Manni, Sunna og Katla til hamingju með daginn ykkar og ég veit að þið hafið fengið eitthvað gott að borða í tilefni dagsins. Karma, gamla settið og við hin sendum ykkur öllum risa knús í tilefni dagsins.

Er með ungan Australian Shepherd rakka í leit að heimili vegna breyttra aðstæðna.

​Tegundin þarf góða hreyfingu og hlýðniþjálfun. Hann hefur lokið hvolpanámskeiði með eiganda sínum við góðan árangur. Hann er geðgóður, samvinnufús og hefur gaman af því að læra og því getur öll þjálfun verið mjög skemmtileg bæði fyrir hann og nýjan eiganda. Foreldrar hans eru mjög geðgóðir, miklir félagar og hafa verið að standa sig vel á sýningum HRFÍ. Þau uppfylla allar ræktunarkröfur og honum fylgir ættbók frá HRFÍ.

Allar nánari upplýsingar í gegnum netfangið [email protected].

Í dag fögnuðu Presleybörnin 2ja ára afmælinu sínu. Foreldrar þeirra eru þau Sofie og Fayro og erum við ákaflega stolt af þessum gullmolum. 

Þau búa öll hjá dásamlegum fjölskyldum sem elska þau til tunglsins og til baka. Elsku Ivy, Júlí, Bylur og Bryjna innilega til hamingju með afmælið og eigið góðan dag með ykkar besta fólki í dag eins og alla aðra daga. Mamma ykkar og pabbi og við hin sendum ykkur risaknús í tilefni dagsins, við elskum ykkur öll <3

Um síðastliðna helgi fór fram Deildarsýning Fjár- og hjarðhundadeildar og áttum við nokkra fulltrúa þar sem stóðu sig með sóma.

Víkingarnir voru með aldur til að taka þátt í sýningunni og þreyttu þrjú þeirra frumraun sína í sýningarhringnum og ekki hægt að segja annað en að það hafi gengið frábærlega. Þau Emma, Klaki og Legolas tóku öll þátt og fengu sérlega lofandi í einkunn hjá dómaranum, fengu öll fallegar umsagnir og erum við ákaflega stolt af þeim öllum. Klaki varð BESTA UNGVIÐ TEGUNDAR og varð jafnframt BESTA UNGVIÐI SÝNINGAR. Ekki annað hægt en að segja að þetta sé draumabyrjun hjá þeim Brynju í sýningarhringnum.

Drottningin á heimilinu ákvað að vera með comeback á sýningunni og ekki annað hægt en að segja að það hafi verið með stæl. Komin vel á tólfta árið tók hún sig til og varð þriðja besta tík, BESTI ÖLDUNGUR TEGUNDAR og BESTI ÖLDUNGUR SÝNINGAR. Hún sýndi það vel hvað hún elskar sýningarhringinn og sveif um hann með Theodóru vinkonu sinni sem sýndi hana á sinni fyrstu sýningum fyrir rúmum ellefu árum.

Helstu niðurstöður sýningarinnar:
​
Rakkar:

• Víkur Harald Finehair "Klaki" - 1 sæti í ungviðaflokki, sérlega lofandi, BESTA UNGVIÐI TEGUNDAR og BESTA UNGVIÐI SÝNINGAR
• Víkur Floki The Raven "Legolas" - 2 sæti í ungviðaflokki með sérlega lofand

Tíkur:

• Víkur Emma Of Normandy "Emma" - 1 sæti í ungviðaflokki, sérlega lofandi og besta ungviði af gagnstæðu kyni
• RW-23 ISCH Víkur Dreams Do Come True "Hekla" - 2 sæti í meistaraflokki, excellent og meistaraefni
• CIB ISCH ISVetCH NLM RW18 21 ISVW22 Víkur American Beauty "Izzy" - 1 sæti í öldungaflokki, excellent, meistaraefni, 3 besta tík, BESTI ÖLDUNGUR TEGUNDAR og BESTI ÖLDUNGUR SÝNINGAR

Þessum glæsilega árangri væri að sjálfsögðu ekki náð nema með frábæran hóp af sýnendum og eigendum í kringum okkur og erum við þeim ákaflega þakklát fyrir því án þeirra væri þetta ekki hægt <3

Í dag fór fram annað Rallý hlýðni próf HRFÍ frá því reglur um greinina voru samþykktar í fyrra. Við áttum tvo glæsilega fulltrúa í báðum prófum dagsins.

Hálfsysturnar Sunna "Víkur Black Pearl NHAT", úr Gimsteinagotinu undan Fayro og Sofie, og Yrja "Víkur Chocolate Creme Brûlée NHAT", úr Súkkulaðigotinu undan Fayro og Kviku,  voru báðar skráðar í bæði prófin og stóðust þær þau báðar. Með því fengu þær báðar annað og þriðja stigið sitt af þeim þremur stigum sem þarf til að fá titilinn RL-1 og geta því sótt um hann og hann bætist fyrir framan nöfnin þeirra. 

Rallý er virkilega skemmtileg grein sem verður gaman að fylgjast með hér á landi í framtíðinni.
​
Innilega til hamingju elsku Andrea og Helga með glæsilega byrjun í þessari grein, fyrstu tveir áströlsku fjárhundarnir á Íslandi sem hljóta þenna titil, og hlakka til að fylgjast með ykkur halda áfram á þessari braut.

Í dag fagna Karma og systkini hennar úr Gimsteinagotinu 3ja ára afmælinu sínu. Þau systkinin eru sex, fjórar tíkur og tveir rakkar.

Við erum það heppin að við hittum þau flest reglulega en þau búa öll hjá dásamlegum fjölskyldum þar sem þau eru elskuð til tunglsins og til baka. En Karma býr hjá okkur og varð mamma í desember þegar hún eignaðist 5 gullmola í Víkingagotinu. Hún stóð sig frábærlega í því hlutverki og að öðrum tíkum hjá okkur ólöstuðum er hún mesta mamma sem við höfum átt. 

Elsku Lúna, Viggó, Manni, Sunna og Katla til hamingju með daginn ykkar og ég veit að þið hafið fengið eitthvað gott að borða í tilefni dagsins. Karma systir ykkar, mamma ykkar, pabbi ykkar og við hin sendum ykkur öllum risa knús í tilefni dagsins.