Hálfsysturnar Yrja (Víkur Chocolate Creme Brûlée NHAT) og Sunna (Víkur Black Pearl NHAT) tóku þátt í smalaeðlisprófi Fjár- og hjarðhundadeildar í gær ásamt eigendum sínum og stóðust það með glæsibrag. Þær geta því bætt nafnbótinni NHAT aftan við nafnið sitt líkt og Bylur (ISJCH Víkur Can't Help Falling In Love NHAT) bróðir þeirra.

Innilega til hamingju með skvísurnar ykkar Helga og Andrea.

-----
The half sisters Yrja (Víkur Chocolate Creme Brûlée) and Sunna (Víkur Black Pearl) finished the natural herding aptitude test yesterday with their owners. So now they can add NHAT behind their names like their brother Bylur (ISJCH Víkur Can't Help Falling In Love NHAT).

Great job and huge congrats with your girls Helga and Anna.

Helgina 7. - 8. október fór fram alþjóðleg sýning HRFÍ í Spretti, Kópavogi. Við áttum nokkra fulltrúa þar sem stóðu sig frábærlega í hringnum. 

Hekla var valin besta tík tegundar og sigraði svo rakkann og varð besti hundur tegundar. Hún lét það ekki nægja heldur lönduðu þær Jóhanna Sól 3ja sæti í tegundahópi 1. Frábær árangur hjá þessari 4 ára prinsessu okkar sem var listilega sýnd af þeim Hrönn og Jóhönnu Sól.

Fayro var valinn besti öldungur tegundar og hafnaði í 3 sæti í keppni um besta rakka tegundar. Hann keppti síðan til úrslita í keppni um besta öldung sýningar á sunnudaginn og var þar valinn í top 6. Frábær árangur þar hjá þessum höfðingja. Þetta var hans þriðja sýning á Íslandi og fékk hann sitt 3ja öldungameistarastig og hefur nú fengið staðfestingu á íslenska öldungarmeistaratitlinum.

Í ungum sýnendum áttum við okkar glæsilegu fulltrúa líka en þar keppti Kristín Ragna í eldri flokki með hana Yrju (Víkur Chocolate Creme Brûlée) og stóðu þær sig frábærlega saman í hringnum og höfnuðu í 4 sæti. Sunna (Víkur Black Pearl) tók þátt í yngri flokki með Anítu vinkonu sinni. Þær höfnuðu ekki í sæti í þetta sinn en þær eru bráðefnilegt teymi saman.

Rakkar:

• Víkur Rafe Agate "Manni" - 2nd in open class, with excellent and CK
• RW-23 CIB ISVetCh Bayouland's Hot N Mangry "Fayro" - 1st in veteran class, 3rd best male and BEST OF BREED VETERAN, with excellent, CK, VET CACIB and his 3rd vet CC so how he has finished his Icelandic Veteran Champion titl

Tíkur:

• Víkur Chocolate Creme Brûlée "Yrja" - open class, excellent
• Víkur Red Ruby "Karma" - open class, excellent
• ISCH Víkur Dreaming Is Believing "Kvika" - 2nd in champion class and 2nd best female with excellent, CK and R-CACIB
• RW-23 ISCH Víkur Dreams Do Come True "Hekla" - 1st in champion class, best female, BEST OF BREED and BEST IN GROUP 3 with excellent, CK and CACIB

Þessum glæsilega árangri væri að sjálfsögðu ekki náð nema með frábæran hóp af sýnendum og eigendum í kringum okkur og erum við þeim ákaflega þakklát. Takk elsku Gauja, Helga Anna, Hrönn, Jóhanna Sól og Kristín Ragna fyrir ykkar þátt í þessu, þið eruð einstakir gullmolar og án ykkar væri þetta ekki hægt <3
​

Þessi mikli meistari á daginn í dag og fagnar hann 9 ára afmælinu sínu. Við erum ákaflega heppin að hafa hann hér hjá okkur og verðum kærum vini okkar og meðeiganda að honum, Marko Ljutic, ævinlega þakklát fyrir að treysta okkur fyrir þessum einstaka gullmola. En Marko kom í heimsókn til okkar núna í byrjun september og urðu gleðilegir endurfundir þegar þeir félagar hittust aftur en þeir hafa ekki hist síðan Fayro kom til okkar fyrir rúmum 3 árum.

Lífsgleði hans fær mann alltaf til að brosa þar sem hann er einn glaðasti hundur sem ég hef kynnst og hann sýnir manni ást sína alltaf svo innilega og gerir sér iðulega ekki alltaf grein fyrir því hvað hann er stór.

Við munum vera dugleg að knúsa hann í dag, hann fær að sjálfsögðu eitthvað gott að borða í kvöld og eins og eitt nýtt leikfang því bangsar og leikföng eru hans ær og kýr. Til hamingju með daginn elsku besti Fayro okkar, elskum þig endalaust 🥰

Fjár- og hjarðhundadeild HRFÍ var með tvöfalda sýningu fyrstu helgina í september
Á laugardeginum fór sýningin fram á Ingólfshvoli í Ölfusi og voru okkar hundar ekki skráðir í ræktunardóm en Víkurræktun átti samt sína fulltrúa í ræktunardómi og í ungum sýnendum sem stóðu sig frábærlega. Dómari sýningarinnar var Marko Ljutic, Króatíu, og dómari í ungum sýnendum var Daníel Örn Hinriksson

​- Víkur Red Ruby “Karma” fór með Kristínu Rögnu vinkonu sinni í eldri flokk ungra sýnenda og þær gerðu sér lítið fyrir og sigruðu þá keppni með glæsibrag en það er alltaf jafn gaman að horfa á þær saman í hringnum. Til hamingju elsku Kristín okkar

- ISCH RW-23 Víkur Dreams Do Come True “Hekla” okkar fór með nýrri vinkonu sinni henni Glódísi Perlu í yngri flokk ungra sýnenda og stóðu þær sig frábærlega þrátt fyrir að hafa ekki hafnað í sæti

- Víkur Black Pearl “Sunna” gotsystir Körmu fór með Anítu Hlín vinkonu sinni í yngri flokk ungra sýnenda og stóðu þær sig frábærlega saman og sigruðu með glæsibrag. Til hamingju elsku Aníta

- ISCH Víkur Dreaming Is Believing “Kvika” fór með Ylfu sinni í meistaraflokk og höfnuðu þær í fyrsta sæti með excellent og meistaraefni.

- ISJCH Víkur Can’t Help Falling In Love “Bylur” tók þátt í ungliðaflokki með Fanney sinni og stóðu þau sig frábærlega. Bylur varð besti ungliði af gagnstæðu kyni (BOS Junior) og hlaut sitt annað ungliðameistarastig. Hann hefur hlotið staðfestingu á ungliðameistaratitli og getur því bætt ISJCH framan við nafnið sitt. Innilega til hamingju með gullmolann þinn elsku Fanney okkar.

Víkur Can't Help Falling In Love "Bylur" náði þeim glæsilega árangri með eiganda sínum um síðustu helgi að verða ungliðameistari, ISJCH, þegar hann fékk sitt annað ungliðameistarastig á tvöfaldri sýningu Fjár- og hjarðhundadeildar.

Bylur er 16 mánaða og er úr Presley gotinu, undan gullmolunum okkar þeim Fayro og Sofie og eru foreldrarnir og við að springa úr stolti yfir honum.

Innilega til hamingju með fyrsta titilinn ykkar elsku Fanney og Bylur 😘❤️

Í dag fagna Draumabörnin fjórða afmælinu sínu. Þau fæddust að kvöldi 20. apríl 2019, 5 tíkur og 2 rakkar. Þrátt fyrir að þetta væri hennar fyrsta got sá Melody alfarið um þetta sjálf og var eins og hún hefði aldrei gert annað.

Foreldrar Draumabarnanna eru þau Melody okkar (ISCH Melody Time De La Vallée d'Eska og Ben (CIB ISCH RW-15 RW-18 Bayshore Stonehaven Iceland Here I Come) og eru þau glæsilegir fulltrúar foreldra sinna og tegundarinnar hvar sem þau koma og gaman að sjá hvað þau eru öll skemmtilegar blöndur af foreldrum sínum.

Þau upplifðu öll sín ævintýri á liðnu afmælisári og af okkar gullum er það helst að frétta að Hekla og Kvika stóðu sig frábærlega í sýningarhringnum. Hekla varð íslenskur meistari á deildarsýningunni í fyrrasumar þegar hún varð besti hundur tegundar. Kvika átti líka góðu gengi að fagna en hún er komin með tvö íslensk stig og á því bara eitt eftir í að verða meistari. Hún náði þeim glæsilega árangri að verða 2 besta tík tegundar nú í mars.
Systkini þeirra héldu áfram að láta ljós sitt skína í öllum þeim verkefnum sem þau tóku sér fyrir hendur og skópu góðar minningar með fjölskyldum sínum.

Hekla eyddi deginum að mestu í uppáhaldssveitinni okkar þar sem hún naut þess að vera til.
​
Systkinin fengu að sjálfsögðu öll sín draumaheimili þar sem þau eru elskuð og dekruð út í eitt alla daga. Elsku Mía, Esja, Gosi, Kvika, Stormur og Kolka innilega til hamingju með afmælið og eigið góðan dag með ykkar besta fólki í dag eins og alla aðra daga. Mamma ykkar, Hekla og við hin sendum ykkur risaknús í tilefni dagsins, við elskum ykkur öll <3

C.I.B. ISVetCh ISCh NLM RW-18-21 ISVW-22 Víkur American Beauty  "Izzy" var í gær heiðruð sem stigahæsti öldungur Fjár- og hjarðhundadeildar 2022.

Hún átti góðu gengi að fagna á sýningum ársins. Hún tók þátt í öllum sex sýningum ársins, varð besti öldungur tegundar á þeim öllum ásamt því að hafa hafnað í sæti í keppni um besta öldung sýningar á þremur sýningum. 

Þessi einstaki og sýningarglaði gullmoli hljóp sinn síðasta sýningarhring á Winter Wonderland sýningu HRFÍ í lok nóvember og er ekki hægt að segja annað en að hún hafi endað  tæplega 10 ára sýningarferil sinn með glæsibrag. En hún hafnaði í 2 sæti af 25 í keppni um bestu tík tegundar, varð BESTI ÖLDUNGUR tegundar og náði sér í nýja nafnbót Island Veteran Winner 2022. Hún var jafnframt heiðruð í lok sýningar sem 4 stigahæsti öldungur HRFÍ 2022.

Erum með unga tík í leit að nýju heimili. Hún er lífsglöð, ljúf, vön börnum, góð með öðrum hundum, efnileg í hlýðni en fyrst og fremst frábær félagi í útivist og heimavið.

Aussie er kraftmikill og greindur hundur sem getur orðið mjög háður eiganda sínum. Sumir Aussie eru vinalegir við alla, en tegundin er hinsvegar oft gjörn á að vera hlédræg og vör um sig við ókunnuga. Ástralski fjárhundurinn er samvinnufús og áhugasamur að læra og því getur öll þjálfun verið mjög skemmtileg fyrir bæði hund og eiganda.

Allar nánari upplýsingar á info@vikurkennel.com