Í dag fagna Karma og systkini hennar úr Gimsteinagotinu 3ja ára afmælinu sínu. Þau systkinin eru sex, fjórar tíkur og tveir rakkar.
Við erum það heppin að við hittum þau flest reglulega en þau búa öll hjá dásamlegum fjölskyldum þar sem þau eru elskuð til tunglsins og til baka. En Karma býr hjá okkur og varð mamma í desember þegar hún eignaðist 5 gullmola í Víkingagotinu. Hún stóð sig frábærlega í því hlutverki og að öðrum tíkum hjá okkur ólöstuðum er hún mesta mamma sem við höfum átt. Elsku Lúna, Viggó, Manni, Sunna og Katla til hamingju með daginn ykkar og ég veit að þið hafið fengið eitthvað gott að borða í tilefni dagsins. Karma systir ykkar, mamma ykkar, pabbi ykkar og við hin sendum ykkur öllum risa knús í tilefni dagsins.
0 Comments
Í dag fagnar Melody 8 ára afmælinu sínu og er því formlega orðin öldungur sem er alveg hreint ótrúlegt því það virkar svo stutt síðan hún kom til okkar. Hún er fædd í Frakklandi en kom hingað til lands þegar hún var orðin 7 mánaða gömul. Við fáum Alyson ræktanda hennar seint þakkað fyrir að hafa sent okkur þetta fallega fiðrildi. Út frá henni höfum við ræktað tvö got en hún er mamma Draumagotsins og amma Súkkulaðigotsins hjá okkur. Melody ætlar að skella sér í bað í tilefni dagsins og að sjálfsögðu verður hún dekruð í dag eins og alla daga og eitthvað extra gott sett á diskinn hennar í kvöld. Til hamingju með daginn elsku besta Melody okkar <3 Í dag eru 12 ár síðan fyrsta gotið í okkar ræktun fæddist, Stjörnugotið. 8 heilbrigðir gullmolar, 4 rakkar og 4 tíkur, undan Reese (ISCH ISVetCH RW-14 Thornapple Seduction) og Þengli (Heimsenda Ösku Illur).
Marley (CIB ISCH Saarland Sieger 2017 Víkur Bob Marley) áttum við með Theodóru vinkonu okkar og bjó hann hjá henni og brölluðu þau ýmislegt saman eins og að flytja til Þýskalands í 2 ár. Systkini hans fengu öll alveg yndisleg heimili þar sem þau voru dekruð út í eitt og upplifðu endalaus ævintýri með sínu besta fólki. Þau fengu því miður mis mikinn tíma með okkur en elsku Kobbi og Salma til hamingju með daginn ykkar og eigið góðan dag með ykkar besta fólki. Við kveikjum á kerti fyrir Johnny, Æsu, Fróða, Zetu, Marley og Angöru sem munu án efa eiga góðan dag í draumalandinu með foreldrum ykkar, yngri systkinum og frændsystkinum. Kossar og knús á ykkur öll 😘❤️🐾 Við urðum 4 vikna í dag og erum búin að fá ættbókarnöfnin okkar og erum alsæl með þau. Þemað í gotinu eru víkingar og fengum við nöfn eftir því.
Við höfum brasað ýmislegt á okkar stuttu ævi og er alltaf jafn magnað að sjá hvað hlutirnir gerast hratt. Tvífætta amma okkar gerði á okkur taugafræðilega örvun sem við kláruðum í viku þrjú og stóðum við okkur vel í henni. Í viku þrjú opnuðum við líka augun. Þegar við fórum að sjá og heyra opnaðist alveg nýr heimur fyrir okkur og við fórum að fara mun hraðar um. Þegar við urðum 3ja vikna fórum við að vera frammi í stofu og finnst okkur það geggjað gaman. Á viku fjögur fórum við að leika okkur við hvert annað og dót og hluti sem tvífætta amma okkar er mjög dugleg að setja inn hjá okkur. Mamma er algjör ofurmamma, hún mjólkar í okkur eins og herforingi og fórum við að smakka hrærða mjólk þegar við vorum 3ja vikna og fáum við að prófa blöndu af mjólk og fóðri í dag erum við mjög spennt að prófa það. Mamma er mjög dugleg að þrífa okkur og örva og finnst henni mjög gaman að leika við okkur eftir að hún er búin að gefa okkur að drekka og þrífa okkur. Við förum reglulega í hand- og fótsnyrtingu og finnst okkur mjög gott að liggja á bakinu á meðan klær eru klipptar og fá gott bumbuklór í leiðinni. Tvífætta amma okkar er byrjuð að kalla okkur strokufanga því við erum farin að ná að lauma okkur út úr hvolpagirðingunni inn í stofu þegar hún sér ekki til og hún er farin að svara því með því að loka hliðinu þegar hún fer af bæ og er það pínu bömmer fyrir okkur en við sofum hvort sem er svo mikið að við vorum fljót að fyrirgefa henni það. Við erum búin að hitta fullt af fólki og elskum við gott knús og klór og bræðum alla sem hitta okkur og hlökkum til að halda áfram að hitta fólk og kynnast nýjum hlutum. Í sumar samþykkti stjórn HRFÍ reglur fyrir rallý hlýðni til að keppa eftir hér á Íslandi. Fyrsta próf félagsins fór fram 30. desember og er gaman að segja frá því að við áttum okkar fulltrúa þar. Hálfsysturnar Sunna "Víkur Black Pearl NHAT", úr Gimsteinagotinu undan Fayro og Sofie, og Yrja "Víkur Chocolate Creme Brûlée NHAT", úr Súkkulaðigotinu undan Fayro og Kviku, stóðust báðar prófið og hafnaði Sunna í 3 sæti. Þær hafa því báðar fengið fyrsta rallý stigið sitt af 3 stigum sem þarf til að fá titilinn LR-1. Rallý er virkilega skemmtileg grein sem nokkrir hundar úr okkar ræktun hafa verið að þreifa fyrir sér í og verður gaman að fylgjast með þeim í framtíðinni. Það er aldrei að vita nema við Karma förum að taka þátt með systkinum og hálfsystkinum hennar þar sem henni finnst það ákaflega skemmtileg grein en við höfum aðeins reynt fyrir okkur í því. Síðdegis sunnudaginn 17. desember fæddust 5 hvolpar hér á bæ undan Körmu og Þyrni. Karma var ekki lengi að koma gullmolunum í heiminn en það leið um ein og hálf klukkutund frá því sá fyrsti kom þar til þau voru öll fædd, 3 tíkur og 2 rakkar. Þau eru öll mjög hraust og þrífast vel og Karma stendur sig eins og herforingi í móðurhlutverkinu.
Foreldrar hvolpanna eru þau Víkur Red Ruby "Karma" sem er rúmlega 2ja ára og er fædd okkur í Gimsteinagotinu undan þeim Sofie og Fayro. Faðir hvolpanna er ISCH ISJCH Heimsenda Blá Þyrnir "Þyrnir". Þau eru bæði með frábært geðslag og erum við ákaflega spennt fyrir þessu goti og verður gaman að fylgjast með þeim vaxa og dafna. Hvolparnir afhendast við 9 vikna aldur með ættbók frá HRFÍ, örmerktir, bólusettir 8 vikna, ormahreinsaðir, með skapgerðarmat og skemmtilegum hvolpapakka frá Dýrheimum :) Við getum ekki sagt annað en að við séum ákaflega spennt fyrir þessu goti og erum þakklát Heimsendaræktun fyrir að gera þetta mögulegt. Allar nánari upplýsingar um gotið er að finna hér á heimasíðunni eða í gegnum tölvupóstfangið info@vikurkennel.com. Hálfsysturnar Yrja (Víkur Chocolate Creme Brûlée NHAT) og Sunna (Víkur Black Pearl NHAT) tóku þátt í smalaeðlisprófi Fjár- og hjarðhundadeildar í gær ásamt eigendum sínum og stóðust það með glæsibrag. Þær geta því bætt nafnbótinni NHAT aftan við nafnið sitt líkt og Bylur (ISJCH Víkur Can't Help Falling In Love NHAT) bróðir þeirra. Innilega til hamingju með skvísurnar ykkar Helga og Andrea. ----- The half sisters Yrja (Víkur Chocolate Creme Brûlée) and Sunna (Víkur Black Pearl) finished the natural herding aptitude test yesterday with their owners. So now they can add NHAT behind their names like their brother Bylur (ISJCH Víkur Can't Help Falling In Love NHAT). Great job and huge congrats with your girls Helga and Anna. Helgina 7. - 8. október fór fram alþjóðleg sýning HRFÍ í Spretti, Kópavogi. Við áttum nokkra fulltrúa þar sem stóðu sig frábærlega í hringnum.
Hekla var valin besta tík tegundar og sigraði svo rakkann og varð besti hundur tegundar. Hún lét það ekki nægja heldur lönduðu þær Jóhanna Sól 3ja sæti í tegundahópi 1. Frábær árangur hjá þessari 4 ára prinsessu okkar sem var listilega sýnd af þeim Hrönn og Jóhönnu Sól. Fayro var valinn besti öldungur tegundar og hafnaði í 3 sæti í keppni um besta rakka tegundar. Hann keppti síðan til úrslita í keppni um besta öldung sýningar á sunnudaginn og var þar valinn í top 6. Frábær árangur þar hjá þessum höfðingja. Þetta var hans þriðja sýning á Íslandi og fékk hann sitt 3ja öldungameistarastig og hefur nú fengið staðfestingu á íslenska öldungarmeistaratitlinum. Í ungum sýnendum áttum við okkar glæsilegu fulltrúa líka en þar keppti Kristín Ragna í eldri flokki með hana Yrju (Víkur Chocolate Creme Brûlée) og stóðu þær sig frábærlega saman í hringnum og höfnuðu í 4 sæti. Sunna (Víkur Black Pearl) tók þátt í yngri flokki með Anítu vinkonu sinni. Þær höfnuðu ekki í sæti í þetta sinn en þær eru bráðefnilegt teymi saman. Rakkar:
Tíkur:
Þessum glæsilega árangri væri að sjálfsögðu ekki náð nema með frábæran hóp af sýnendum og eigendum í kringum okkur og erum við þeim ákaflega þakklát. Takk elsku Gauja, Helga Anna, Hrönn, Jóhanna Sól og Kristín Ragna fyrir ykkar þátt í þessu, þið eruð einstakir gullmolar og án ykkar væri þetta ekki hægt <3 Þessi mikli meistari á daginn í dag og fagnar hann 9 ára afmælinu sínu. Við erum ákaflega heppin að hafa hann hér hjá okkur og verðum kærum vini okkar og meðeiganda að honum, Marko Ljutic, ævinlega þakklát fyrir að treysta okkur fyrir þessum einstaka gullmola. En Marko kom í heimsókn til okkar núna í byrjun september og urðu gleðilegir endurfundir þegar þeir félagar hittust aftur en þeir hafa ekki hist síðan Fayro kom til okkar fyrir rúmum 3 árum. Lífsgleði hans fær mann alltaf til að brosa þar sem hann er einn glaðasti hundur sem ég hef kynnst og hann sýnir manni ást sína alltaf svo innilega og gerir sér iðulega ekki alltaf grein fyrir því hvað hann er stór. Við munum vera dugleg að knúsa hann í dag, hann fær að sjálfsögðu eitthvað gott að borða í kvöld og eins og eitt nýtt leikfang því bangsar og leikföng eru hans ær og kýr. Til hamingju með daginn elsku besti Fayro okkar, elskum þig endalaust 🥰 This one of a kind dog celebrates his 9th birthday today. We are so lucky to have him here with us and will be forever thankful to our dear friend and co-owner in him, Marko Ljutic, for trusting us with this gem. Marko visited us in the beginning of September and Fayro was so happy to see him but they haven't met since he came here 3 years ago. He always puts a smile on your face as he is one of the happiest dogs I have met and he shows his love for you so strongly and doesn't always realise how big he is. We will give him endless cuddles today, he will get extra treats, some new toy as he loves toys. Happy Birthday our dearest Fayro we love you to the moon and back 🥰 Á seinni sýningu Fjár- og hjarðhundadeildar sem haldin var í Dýrheimum, Kópavogi, sunnudaginn 3. september vorum við með okkar hunda skráða og fleiri úr okkar ræktun voru skráð og ekki hægt að segja en að það hafi gengið frábærlega, hlutu öll excellent og fallegar umsagnir. Dómari sýningar var Mette Tufte frá Noregi. Gimsteinninn Manni (Víkur Rafe Agate) tók sig til og varð besti rakki tegundar sýndur glæsilega af Hrönn. Hekla(ISCH RW-23 Víkur Dreams Do Come True) mætti í hringinn með Jóhönnu Sól, sýndi sig frábærlega í tegundardómi og varð besta tík tegundar og sigraði svo Manna í keppni um besta hund tegundar. Hún hélt síðan áfram að standa sig vel í hringnum og þegar kom að því að velja besta hund sýningar hafnaði hún í 2 sæti. Alveg hreint frábær árangur hjá þessari 4 ára prinsessu okkar 🥰 Takk elsku Hrönn fyrir að stökkva inn með engum fyrirvara og sýna Manna svona vel fyrir okkur og takk elsku Jóhanna Sól fyrir þína frumraun með Heklu. Þið eruð snillingar 😘❤️ Takk elsku Kristín Ragna fyrir að sýna Körmu og Kviku fyrir okkur, var virkilega gaman að sjá þessa frumraun ykkar saman í tegund. Þið stóðuð ykkur frábærlega 🥰 Takk allir eigendur hundanna fyrir að taka þátt í þessu með okkur og sýna gullmolana ykkar án ykkar væri þessum frábæra árangri ekki náð 😘. Allir okkar hundar eru fóðraðir á Royal Canin fóðri frá Dýrheimum 🥰 Second day of the Herding club show and we had some dogs registered and few from our breeding were too. They all did great and got excellent and beautiful critiques. Thanks to judge Mette Tufte, Norway, for appreciating our dogs.
Manni (Víkur Rafe Agate) from our gemstone litter did great and became best male of breed shown by Hrönn 🥳 Hekla (ISCH RW-23 Víkur Dreams Do Come True) shown by Jóhanna Sól, did great and became best female of breed and when competing against Manni for best of breed she won and became BEST OF BREED 🤩 She kept doing great in the ring and ended up as RESERVE BEST IN SHOW 😱😍 What a great performance from this 4 year old girl of ours 🥰 Big thanks to dear Hrönn for jumping in without any notice and showing Manni for us and also to you dear Jóhanna Sól for your debut with Hekla in the ring. Big thanks also go to our dear Kristin Ragna for your debut with Karma and Kvika in the ring. You all did great and we are over the moon with the results and how you all showed our gems to perfection 😘❤️ Big thanks to the owners of all the dogs for taking part in all of this with us. Without you it would not be possible to get these great results ❤️ All our dogs are powered by Royal Canin from Dýrheimar 🥰 Results from Sunday: Males:
|
Archives
February 2024
|